Кыргызстандыктар эми Сербияда 90 күнгө чейин жүрө алышат
Кыргызстандыктар эми Сербияда 90 күнгө чейин жүрө алышат
Sputnik Кыргызстан
Кыргызстан Сербия менен бир нече тармакта кызматташууга ынтызар, анын ичинен айыл чарбасы, азык-түлүк жана туризм багыттары бар 06.12.2017, Sputnik Кыргызстан
Кыргызстан Сербия менен бир нече тармакта кызматташууга ынтызар, анын ичинен айыл чарбасы, азык-түлүк жана туризм багыттары бар
БИШКЕК, 6-дек. — Sputnik. Кыргызстан Сербия менен эки тараптуу визалардан баш тартуу боюнча келишимге кол койду. Бул тууралуу КРдин Тышкы иштер министрлигинин маалымат кызматы билдирди.
Кол коюлган келишимге ылайык, кыргызстандыктар Сербияда 90 күнгө чейин жүрө алышат. Ушундай эле укук сербиялыктарга берилет. Эми документ ратификациядан өтүшү керек.
Жолугушуу учурунда эки тараптуу кызматташуунун келечеги талкууланган. Кыргызстан тарап эки мамлекеттин тышкы иштер министрлигинин өз ара кызматташуусу боюнча сунуш киргизген. Андан сырткары айыл чарбасы, азык-түлүк жана кайра иштетүүчү өнөр-жай жаатында биргелешип иш алып барган ишкана түзүүнү да айткан.
Ошондой эле туризм тармагындагы алака-катнашты өнүктүрүү жагы каралган.
