БИШКЕК, 6-дек. — Sputnik. Түркиядагы кыргыз күрөш боюнча чемпионатта кыргызстандык балбандар биринчи орунга татыды. Бул тууралуу Жаштар иши, дене тарбия жана спорт мамлекеттик агенттигинен билдиришти.
Түркиядагы кыргыз күрөш боюнча чемпионатта кыргызстандык балбандар биринчи орунга татыды
© Фото / Акболуш Молдоташов
Маалыматка ылайык, биринчилик Анкара шаарында өткөн. Ага Кыргызстан, Казакстан, Монголия, Афганистан, Өзбекстандан келген 100дөн ашык балбан катышып, жети салмак категориясы боюнча күч сынашкан. Жыйынтыгында ата мекендик команда жети алтын тагынып биринчи орун алса, Казакстан экинчи, Монголия үчүнчү орунду ээлеген.
Спорттук иш-чара кыргыз күрөшүн жайылтуу максатында өткөрүлүп, аны Түркиядагы "Жаштар ынтымагы" коомдук бирикмеси уюштурган.
