Мавлянова: баласын тепкен атаны башка берене менен жазалоо керек
Баласын тепкен атаны катуу жазалоо керек. Бул тууралуу депутат Махабат Мавлянова парламентте сүйлөп жатып билдирди.
"Баласын тепкен атанын видеосу интернетке чыкты. Кишинин өздүгү аныкталып, 2 ай камакка алынды. Андан соң ал кишинин Мамлекеттик каттоо кызматында иштейт тургандыгы айтылды. Ал адамга бейбаштык беренеси менен иш козгоо жетишсиз. Баласын биринчи жолу тээп жатпаса керек. Ошондуктан Кылмыш жаза кодексинин 111-беренеси (кыйноо) боюнча иш козгоп, бул адамды катуу жазалоо керек", — деди Мавлянова.
Ал балдардын, аялдардын укугу мыйзамды жакшы корголгону менен иш жүзүндө башкача болуп жатканын кошумчалады.
