Бакчиев: "Карагул" мультфильми 2018-жылы элге тартууланат
"Карагул" мультфильми 2018-жылы элге тартуулана тургандыгын Таланталы Бакчиев Sputnik Кыргызстан радиосуна маек куруп жатып билдирди.
Эске сала кетсек, Бишкек шаарында 7 күндүк Манас айтуу болуп өттү.
"Учурда Манасты жаш балдарга жеткирүү боюнча аракеттер көрүлүүдө. "Карагул" деген мультфильм тартылып жатат. Буюрса 2018-жылы элге тартууланат. Андан сырткары, комикстер жарык көрдү. Эми колдон келген аракеттин баарын көрүп жатабыз", — деди Бакчиев.
Ал коомчулук дагы Манасты жайылтууда карап турбастан кол кабыш кылышы керектигин кошумчалады.
