БИШКЕК, 12-дек. — Sputnik. Туманга байланыштуу Бишкек — Ош каттамы боюнча уча турган эки авиарейс кармалып жатканын “Эл аралык “Манас” аэропорту” ААКнын диспетчери билдирди.
Эки самолет бүгүн, 12-декабрда учмак. Бирок Бишкек жана Ошто күтүлгөн катаал аба ырайына байланыштуу каттамдар токтотулган. Эми гана учууга даярданышууда.
Мындан сырткары, бүгүн эртең менен да туманга байланыштуу Ош аба майданынан Бишкекке уча турган эки каттам жети саатка кармалганы айтылат.
