БИШКЕК, 21-дек. — Sputnik. 2018-жылдын 1-январынан тарта электрондук ID-картанын, башкача айтканда биометрикалык паспорттун баасы 320 сомду түзөт. Бул тууралуу Мамлекеттик каттоо кызматынан билдиришти.
Бул эски үлгүдөгү ID-картанын баасынан 110 сомго арзан.
Мамкаттоо кызматы, жаңы жылда паспорттун баасы кымбаттайт деген имиштер чындыкка коошпой турганын белгиледи.
Буга чейин Калкты тейлөө борборлору иштөө режимин өзгөртөрү белгилүү болгон. Буга 1-январга чейин паспортту бекер алууга мүмкүн болгондуктан, каалоочулардын саны өскөнү себеп болгону айтылган.
Калкты тейлөө борборлору ишемби күндөрү жана 23-30-декабрда иштеп, кызматкерлер түштөнүү убагын 30 мүнөткө кыскартат.
