БИШКЕК, 21-Дек. — Sputnik. Мамлекеттик мүлктү башкаруу фондусунун төрагасы Дүйшөнбек Зилалиев өз ыктыяры менен убактылуу отставкага кетүүнү чечип, арыз жазды. Бул тууралуу аталган фонддун маалымат катчысы Махабат Мансурова билдирди.
Анын айтымында, Зилалиев УКМК бомба фактысы боюнча козгогон кылмыш ишин териштирип бүткүчө кызматын тапшырып турууну чечти.
"Мен кайсы жерде иштебейин ачык-айкын эмгектендим. Бирок, түшүнүксүз жагдайда ачылган кылмыш ишинин фигуранты болуп калдым. Аталган окуя коомчулукта терс маанайда тарагандыктан менин кадыр-баркыма шек келтирип, өкмөттүн ишине көлөкө түшүрдү. Өкмөттү, премьер-министрди сөзгө калтыргым келбейт. Ушундан улам маселе такталганча өз ыктыярым менен кызматтан кетүү боюнча арыз жаздым", — деп маалымат кызматы Зилалиев билдиргенин маалымдады.
Ал эми Зилалиев өз учурунда курсант кыз анын айткандарын жакшы укпай, сөздү түшүнбөй калганын билдирген. Бул факты боюнча УКМК кылмыш ишин козгогон.
Эске сала кетсек, Зилалиев аталган кызматта 2017-жылдын 23-ноябрь күнү келген. Бул кызматка чейин вице-премьер болуп эмгектенген.
