БИШКЕК, 25-дек. — Sputnik. Түркияда президент Режеп Тайип Эрдоган трибунада сүйлөп жатканда белгисиз киши чуркап барып аны кучактоого аракет кылды. Бул туурасында Sputnik Түркия агенттиги
Şırnak programında bir anda Cumhurbaşkanı Recep Tayyip Erdoğan'ın üzerine atlayan vatandaş ortalığı karıştırdı… pic.twitter.com/5j5Jbrd5j7
— Yeniçağ Gazetesi (@Gazete_Yenicag) 24 декабря 2017 г.
Эрдоган Түркиянын Ширнак шаарында Адилеттүүлүк жана өнүгүү партиясынын тарапташтары менен саламдашып жаткан. Ошол убакта ары жактан бир киши чуркап келип аны кучактоого аракет кылып жабышканда күзөтчүлөр ажыратып калышкан.
Андан соң ал Коопсуздук башкармалыгында сурак берүүгө алып келинген. Кишинин Хусейн Демиржан экени аныкталып, ал сүйүнгөнүнөн Эрдоганды кучактагысы келгенин билдирген.
"Мен аны жөн эле кучактайын дегем. Эч кандай жаман оюм болгон эмес. Сиздер мени туура эмес түшүнүп алдыңыздар", — деп айткан ал.
Демиржан согуштук аракеттеги ардагерлердин фондусун түзгөнүн билдирген. Күрдстандын жумушчулар партиясы тарабынан жасалган терактыдан анын 13 тууганы курман болгон.
Сурактан кийин ал киши коё берилген.
