БИШКЕК, 14-янв. — Sputnik. Дүйшөмбү күнү көпчүлүк аймактарда кар жаайт. Жолдор тайгак жана тоңголок болуп, тоолуу аймактарда кар күрткүсү күтүлөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге чейин жетет.
Чүй, Ысык-Көл жана Талас өрөөнүндө 0…-5 градус суук болсо, Ош, Жалал-Абад жана Баткенде 0…5 градус жылуу болот. Ал эми Нарында болсо —5…-10 градус суук болушу күтүлөт.
Бишкек шаарында кар жаап, абанын температурасы 3 градус суук болсо, Ош калаасында 4 градус жылуу болот.
