БИШКЕК, 21-янв. — Sputnik. Кыргызстандын эркин күрөш боюнча курама командасы 26-28-январда Россияда өтө турган "Иван Ярыгин" Гран-при турнирине катышат. Бул тууралуу Күрөш федерациясынан кабарлашты.
Турнирдин алкагында 20 медаль ойнотулат.
Учурда курама командадан 19 кыз жана 19 бала Бишкекте өтө турган Азия оюндарына карата Ысык-Көлдө окуу-машыгууларын өткөрүп жатат. Эркек балдар башкы машыктыруучу Руслан Мажиновдун көзөмөлүндө, ал эми кыздар Нурбек Изабековдун колунда машыгууда.
Кыргызстандык спорчулар "Иван Ярыгин" Гран-при турнирине 2013-жылдан бери катышып келет. Ушул кезге чейин үч медаль багындырышкан. Анын экөө белгилүү балбан Айсулуу Тыныбековага таандык.
