БИШКЕК, 29-янв. — Sputnik. Эртең, 30-январда, Ысык-Көл, Нарын облустарынын айрым жерлеринде жана кээ бир тоолуу райондордо кар себелеши күтүлөт. Бул тууралуу Кыргызгидрометтен билдиришти.
Чүй, Талас өрөөндөрүндө түнкүсүн —18…-23, күндүз —4…-9 градус суук болот. Ош менен Жалал-Абадда 3 градус сууктан 2 градуска чейин жылуу болот. Баткенде күндүз —3 градустан +2 градуска чейин жылыйт.
Ысык-Көлдө түнкүсүн —12…-17, күндүз —2…-7 градус суук болот. Ал эми Нарында түнкүсүн —18…-23, күндүз —5…-10 градус суук болушу күтүлөт.
Бишкек шаарында түнкүсүн сууктун күчү —20…-22 градуска чамаласа, күндүз —5…-7 градуска жетет. Ош калаасында абанын температурасы 0…-2 градуска жетери айтылды.
