БИШКЕК, 31-янв. — Sputnik. Кыргызстанда саат 16.51ден тарта толгон айдын тутулуусу башталат. Астрономиялык бул тутулуу жергиликтүү убакыт менен саат 22.08ге чейин уланат.
Бул тутулуу өзгөчө мааниге ээ. Себеби, Ай Жерге болушунча жакындап келет да, анын диаметри 8 сантиметрге чейин чоңоюп көрүнөт. Биздин планета жандоочусун тосуп калат да, ал кочкул кызыл түс менен көрүнөт. Айдын кыпкызыл болуп толушу 2018-жылдын 2-январында болуп, бирок аны кыргызстандыктар толук көрө алышкан эмес.
Айдын мындай толушу — астрономиялык кубулуш. Ай менен Жердин бири бирине абдан жакын, 362 миң чакырымга чукул келиши сейрек учурлардан.
