БИШКЕК, 4-фев. — Sputnik. 3-февраль күнү Кыргызстандын үч аймагында жер титиреди. Бул тууралуу Sputnik Кыргызстан агенттигине ӨКМдин маалымат кызматы кабарлады.
Билдирүүгө ылайык, ишемби күнү 09:44 чамасында Чүй облусунда күчү 3,5 баллга жеткен жер титирөө болгон. Анын очогу Бишкек шаарынан 70 чакырым түштүк-чыгышта жайгашкан.
Ушул эле күнү саат 10:06да Жалал-Абад облусунда күчү 3 баллга жеткен экинчи жер титирөө болгон.
Түштөн кийин саат 15:03тө Ош облусунун тургундары күчү 3,5 баллга жеткен жер силкинүүнү сезишкен. Зилзаланын очогу Чоң-Алай районунун Кашка-Суу айылынан 14 чакырым алыстыкта жайгашкан.
ӨКМдин алдын ала маалыматтары боюнча жаратылыш кырсыгынан жабыркагандар жана кыйроолор катталган эмес.
Былтыр Кыргызстанда катталган каргашалуу кырсыктар тууралуу Sputnik Кыргызстан агенттиги даярдаган материалдан окуңуздар>>
