БИШКЕК, 19-фев. — Sputnik. Сицилияда 10 жашар кызын сойкулукка мажбурлаган ата-эне камакка алынганын РИА Новости Палермо шаарынын тартип сакчыларына таянуу менен жазып чыкты.
Иликтөө иштери 2017-жылдын жай айларында, тартип сакчылары жол боюндагы унаада улгайып калган киши менен секелектин отурганын байкап калгандан кийин башталган. Тергөөнүн жүрүшүндө 61 жана 78 жаштагы эки эркек киши кыздын ата-энесине акча төлөп, бир нече ирет катнашка баргандыгы аныкталды.
"Жолугушууларды кыздын энеси уюштуруп, секелекти 9 евродон 25 еврого чейин баалап келген. Айрым учурда аял кызынын көзүнчө эле жыныстык катнаштарга барган. Үй ээси мунун баары билип туруп, кыздын кордолушуна тоскоол болгон эмес", — деп айтышкан укук коргоо органдары.
Окуянын төрт күнөкөрү тең үй камагына алынды. Ушу тапта кыз менен психологдор иштеп жатат.
