БИШКЕК, 22-фев. — Sputnik. 5-6 мартта борбордогу Каба уулу Кожомкул атындагы спорт ордосунда алыш күрөшү боюнча Кыргызстандын чемпионаты өтөт. Бул тууралуу Жаштар иши, дене тарбия жана спорт боюнча мамлекеттик агенттиктен кабарлашты.
Кыз-келиндер жана эркектер арасындагы мелдеш Эл аралык күрөш федерациясынын эрежелери менен өтөт.
Мелдештер алты салмак категорияда өтөт:
Эркин түрүндө эркектер арасында (60, 70, 80, 90, 100 килограмм жана 100дөн өйдө) жана кыз-келиндер арасында (55, 60, 65, 70, 75 килограмм жана 75тен жогору);
Классикалык түрүндө эркектер арасында (60, 70, 80, 90, 100 килограмм жана 100дөн өйдө) жана кыз-келиндер арасында (55, 60, 65, 70, 75 килограмм жана 75тен жогору).
Буга мамагенттиктин алдындагы спорттун улуттук түрлөрү боюнча дирекциясы тарабынан 158 миң сом бөлүнгөн.
Ал эми 6-мартта өтө турчу WEF Global 11 турнири өтөт. Мушкерлердин файткарды менен таанышып алыңыз.
