БИШКЕК, 28-мар. — Sputnik. Бейшемби күнү көпчүлүк аймактарда жамгыр жаайт. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 15-20 метрге жетет.
Аба ырайы Чүй, Ош, Жалал-Абад жана Баткенде 13…18 градус жылыса, Таласта 11…16 градус нөлдөн жогору болору күтүлүүдө. Ал эми Ысык-Көл менен Нарында термометр 8…13тү көрсөтөт.
Бишкек менен Ош калаасында мезгил-мезгили менен жаан жаап, 16…18 градус жылуу болот.
