БИШКЕК, 29-мар. — Sputnik. Нарын — Торугарт унаа жолунун Сары-Булактан Оттукка чейинки бөлүгү эртең, 30-мартта жабык болот. Бул тууралуу Транспорт жана жолдор министрлигинен маалымдашты.
Билдирмеге караганда, аталган трассанын 288-289-чакырымдарында кар көчкү түшүү коркунучу жаралууда.
"Эртең, 30-мартта унаа жолдун жогоруда аталган бөлүгү саат 13.00дөн кечки саат 20.00гө чейин жабык болот", — деп айтылат маалыматта.
Кырсыктын алдын алуу максатында трассанын 288-289-чакырымдарында кар көчкү атайылап түшүрүлөт.
