БИШКЕК, 19-апр. — Sputnik. Германия, Улуу Британия, Италия, АКШ жана Францияда сурамжыланган адамдардын көпчүлүгү Facebook менен Google бул же тигил саясий көз караштарды таңуулоо үчүн атайын алгоритмдерди колдонушу мүмкүн деп эсептейт. Бул тууралуу Sputnik агенттиги жана радиосу үчүн сурамжылоо жүргүзгөн IFop ишканасы билдирди.
Бардыгы болуп 18 жаштан жогорку курактагы 5 029 адам (ар бир өлкөдөн миңден адам) суралган.
Респонденттерге "Кээ бир адамдар Google жана Facebook сыяктуу компаниялар бул же тигил саясий көз караштардын пайдасына маалыматтарды таңуулайт десе, башкалар бардык кабарлар адилеттүү берилет деп эсептешет экен. Сиз кайсыл тарабына кошуласыз?" деп сурашкан.
Мисалы, Франция менен АКШда интернет аркылуу тымызын көзөмөл болот деген ойго көбүнчө жаштар ишенсе, Италия менен Улуу Британияда тескерисинче, мындай пикирди улгайып калгандар айтышты. Ал эми бардык мамлекеттерде интенет колдонуучуларга манипуляция болот деп эсептегендердин басымдуу бөлүгү жогорку билимдүүлөр.
Саясий серепчи Денис Бердаковдин айтымында, Европа жана АКШнын мындай пикир айткан жарандары Facebook тармагындагы жеке маалыматтар чыгып кеткенине тынчсыздангандар.
Адистин пикири боюнча колдонуучулар тууралуу жашыруун маалыматтар аркылуу алардын бул же тигил саясатчы үчүн добуш берүүсүнө таасир этсе болот.
"Жеке маалыматтарды кантип колдонууну жакшы өздөштөргөн уюмдар бар. Алар адамды ушунчалык жакшы билип калгандыктан, кайсы темадагы 2-3 гана жаңылык тандоосуна таасир этип коерун так билишет. Мисалы, Дональд Трамптын эле жеңишин алалы. Ал жалдаган адистер кайсы уадитория менен иштөө керектигин туура табышкан. Жыйынтыгында 100 миң доллар акча толгон-токой жарнамалардан дагы жакшы жыйынтык берди", — сказал Бердаков.
Анткен менен адис адамдар социалдык тармактарга өздөрү тууралуу жеке маалыматтарды өздөрү эле берип коюп жатканын белгиледи. Бирок ал маалыматтар кандай жол менен колдонулары интернет-ресурстан көз каранды.
"Жеке маалыматтарды бир гана корпорациялар эмес, атайын кызматтар дагы пайдаланышат", — деди Бердаков.
Ал кошумчалагандай, жеке маалыматтарды сатуу — дүйнөдөгү эң кирешелүү бизнестердин бири.
Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү араб, англис, испан жана кытай тилдеринде жарык көрөт.
