Сыдыгалиев: Нургазынын ролу үчүн эч кандай сыйлык бериле элек
Нургазынын ролу үчүн мага эч кандай сыйлык бериле элек. Бул тууралуу Нургазы Сыдыгалиев Sputnik Кыргызстан радиосуна маек куруп жатып билдирди.
Анын айтымында, Айтматовду таанытуу жана жайылтуу иштерин колго алыш керек.
"Эми мен сыйлык бербей жатышат деп мамлекетти күнөөлөгөндөн алысмын. Бир чети экономикалык абалыбыз начар, балким ушундан да маданият кызматкерлерине жакшы көңүл бурулбай жаткандыр. Менин каалаганым Чыңгыз Айтматовдун чыгармаларын өсүп келе жаткан жаш муундарга жогорку деңгээлде жайылтсак жана бул нерсеге мамлекет колдоо көрсөтсө жакшы болот эле", — деди Сыдыгалиев.
Ал айрым окуучулар Айматовдун "Ак кеме" чыгармасын билбегени өтө өкүнүчтүү экенин кошумчалады.
