БИШКЕК, 26-апр. — Sputnik. Отставкага кеткен премьер-министр Сапар Исаковду УКМК суракка чакырды. Бул тууралуу мурдагы өкмөт башчы өзүнүн Facebook баракчасына жазды.
УКМКдан келген чакырууда ал күбө катары 26-апрелде саат 15.00гө чакырылганы жазылган.
Эске салсак, 19-апрелде Жогорку Кеңеш өкмөттүн 2017-жылы жасаган ишин канааттандырарлык эмес деп таап, отставкага кетирген.
Сапар Исаков өкмөт башчылыкка 2017-жылдын 25-августунда дайындалган болчу.
Буга чейин бажы кызматынын төрагасынын мурдагы орун басары Райымбек Матраимов отставкага кеткен премьер-министр Сапар Исаковду "негизсиз жумуштан алган" деген жүйө менен сотко берген болчу.
