БИШКЕК, 11-май — Sputnik. Кыргызстандын Улуттук банкы коллекциялык эки тыйын чыгарды. Бул тууралуу банктын сайтында маалымдалат.
![Выпуск двух коллекционных монет к 25-летию национальной валюты Выпуск двух коллекционных монет к 25-летию национальной валюты - Sputnik Кыргызстан](https://sputnik.kg/img/103909/93/1039099379_0:0:1470:746_600x0_80_0_0_8488a261dbf3b22dd46832dd35a6879c.jpg)
5 сом номиналындагы тыйын жез-никелден жасалып, "Кыргыз республикасынын улуттук валютасына 25 жыл" деп аталат. Тыйындын бетинде 1 тыйын менен 5000 сомдук банкнотанын сүрөтү түшүрүлгөн. Экинчи бетине Кыргызстандын герби тартылып 1, 10, 50 тыйын менен 1, 3, 5, 10 сомдун сүрөтү чегилген.
Сомдун 25 жылдыгына арналып чыгарылган тыйынды 500 сомдон сатып алууга болот. Жалпысынан миң даана тыйын чыгарылган.
Экинчи тыйын "Комуз" деп аталып, "Улуттук музыкалык аспаптар" сериясына кирип, 925-пробадагы күмүштөн жасалган. 10 сом номиналындагы тыйындын салмагы 28,28 граммды түзөт.
![Выпуск двух коллекционных монет к 25-летию национальной валюты Выпуск двух коллекционных монет к 25-летию национальной валюты - Sputnik Кыргызстан](https://sputnik.kg/img/103909/93/1039099392_0:0:1470:746_600x0_80_0_0_692effea3cbcb2068eb57ad7f1eb0649.jpg)
Тыйындын бир бетинде комуздун, экинчи бетинде герб жана комуз чертип жаткан кишинин элеси түшүрүлгөн. Коллекциялык тыйындарды соода-сатыкта колдонсо болот.