10-20 жылдыктар барган сайын мектебине же чоңоюп өскөн айылына пайдалуу иштерди жасай баштады. Бул тууралуу Какен Келдибекова Sputnik Кыргызстан радиосунун таңкы эфиринде маек куруп жатып билдирди.
Анын айтымында, мурда бутуна турган бүтүрүүчүлөр сыналгы сыяктуу мектепке керектүү буюмдарды алып беришчү.
"Мурдагы бүтүрүүчүлөр 10, 20, 40 жылдык деп майрам уюштуруп, белегин берип кетишчү. Ошол эле учурда мектепти аяктап жаткан окуучулар да алардан кем калбай колунан келген белегин тартуулашчу. Ал эми азыр болсо билим берүу жана илим министри "окуучулар мугалимдерге белек бербеши керек" деген маанидеги буйругун чыгарды. Бул нерсе бир чети ата-энелердин капчыгына жакшы болду", — деди мугалим.
Ал ошондой эле мектепти 10, 20 жыл мурда бүтүп кеткендер кайрымдылуулук иштер менен алектенип жатканы кубантарлык көрүнүш экенин кошумчалады.
