Иргашев: айыл чарба тармагында окугандар үчүн эл аралык долбоорлор абдан көп
Айыл чарба тармагында окугандар үчүн эл аралык долбоорлор абдан көп. Бул тууралуу Алмазбек Иргашев Sputnik Кыргызстан радиосунун таңкы эфиринде маек куруп жатып билдирди.
Анын айтымында, бүгүнкү күндө Агрардык университет 20дан ашык эл аралык долбоорлор менен иштешип келет.
"Окуу жайдын студенттер үчүн түзүп бере турган шарттардын эң маанилүусү бул – эл аралык мамилелерди бекемдеп, студенттерге чет өлкөдө билим алууга шарт түзүү болуп эсептелет. Мындан улам 20дан ашык эл аралык долбоорлор менен келишим түзүп, студенттердин тажрыйбасын арттыруу аракетин жасап жатабыз", — деди Иргашев.
Ал ошондой эле агрардык жаатта билим алган студент үч тилде сүйлөй алса долбоорлорду оңой алып кетерин кошумчалады.
