БИШКЕК, 5-июн. — Sputnik. Бишкектин бир катар аймагында 6-июнь күнү муздак суу жок болот. Бул тууралуу мэриянын маалымат кызматынан кабарлашты.
Билдирмеге караганда, "Бишкексууканал" ишканасынын кызматкерлери "Сельский" суу кампасында оңдоо иштерин жүргүзөт.
Буга байланыштуу "Туңгуч" кичи району менен "Рухий-Мурас" конушунда эртең мененки саат 9.00дөн кечки 17.00гө чейин ичүүчү суу жок болот.
Борбор калаанын мэриясы жарандарды алдын ала суу камдап алууга чакырат.
