БИШКЕК, 7-июн. — Sputnik. Россиялык туристтер КМШдагы кайсы курортто көп эс алып жатканын ТурСтат аналитикалык агенттиги аныктады.
Ага ылайык, биринчи орунда Казакстандагы Бурабай курорту, андан кийин Кыргызстандагы Ысык-Көл көлү, Белорусиядагы Нарочь көлү алдыңкы үчтүккө кирген. Андан кийин Азербайжандагы Бильгя пляжи менен Армениядагы Севан көлү туристтерди өзүнө тартып турат.
КМШдагы туристтик жерлерде эс алуунун баасы суткасына 50 доллардан 100 долларга дейре жетет. Анын ичинен эң арзаны Ысык-Көл (50 доллар), ал эми эң кымбаты Азербайжандагы Бильгя курорттору (100 доллар) саналат. Казакстандын Бурабайында бир күндүк эс алуу 80 долларды түзөт.
Негизинен КМШда эс алуу үчүн Москва, Подмосковье, Санкт-Петербург, Түштүк Урал жана Сибирдин жашоочулары келишет.
Рейтинг туристтердин көп барган курортторунун негизинде түзүлгөн.
