БИШКЕК, 11-июн. — Sputnik. Чүй облусунун Төмөнкү Чүй айылында №326 маршрутка тракторду сүзүп, 15 жаштагы кыз каза болуп, үч киши түрдүү жаракаттарды алышкан. Бул тууралуу Чүй облустук милициясы билдирди.
"Жол кырсыгы 10-июнда саат 17:00дөр чамасында Бишкек — Камышановка жолунда катталган. Маршрутканын айдоочусу МТЗ-30 үлгүсүндөгү трактордун чиркегичин сүзгөн", — деп милициядан маалымдашты.
Айдоочу жабыркаган эмес, бардык материалдар тергөө бөлүмүнө берилди.
