БИШКЕК, 30-июн. — Sputnik. Ысык-Көл облусунун Чок-Тал айылындагы пансионаттардын биринде спорт журналисттеринин күнүнө арналган мелдеш өтө тургандыгын Жаштар иши, дене тарбия жана спорт боюнча мамлекеттик агенттиктен билдиришти.
Мелдеш бүгүн, 30-июнда башталып, 3-июлда жыйынтыкталат.
12 Кулжа 2018, 12:22
Программада мини-футбол, көл жээгиндеги волейбол, тогуз коргоол, аркан тартыш жана жаш курак боюнча нормативдерди тапшыруулар каралган.
Ошондой эле иш-чаранын алкагында журналисттер мамагенттиктин өкүлдөрү менен жолугуп, алдыдагы пландар тууралуу сөз кылышат.
Быйыл спорт журналисттеринин мелдеши төртүнчү ирет өтүп жатат. Максаты — ЖМКлар арасындагы мамилени чыңдап, спортту жайылтуу.
Иш-чараны уюштуруу үчүн өкмөткө караштуу Мамагенттиктен 400 миң сом каралган.
