БИШКЕК, 2-июл. — Sputnik. Өткөн аптада соцтармак бети футбол күйөрмандарынан бошогон жок. Айрымдар футбол дүйнөсүнүн эң жарык жылдыздары Лионель Месси менен Криштиану Роналдунун "дүйнө чемпиону болчу акыркы мүмкүнчүлүгүнөн" ажыраганына күйсө, башкалары Россия курама командасынын багындырып келе жаткан ийгиликтерине таң калышты.
1. Башы менен топ ойногон эжеке. Топту жерге түшүрбөй башы менен сүзгүлөп ойногон аялдын видеосу көпчүлүктү кызыктырды. Александр Крестинин (Кыргызстан футбол курама командасынын башкы машыктыруучусу — ред.) мырза бул эжени байкап көрчүдөй экен.
2. Сулууланган аялдарга таң калган депутат. Парламент жайкы каникулга тарап, депутаттар жай турмуш тууралуу ой толгой баштады. Мисалы, эл өкүлү Исхак Масалиев кыз-келиндердин кол жеткис болгусу келип, бирок жигиттерди кызыктырып жасанып алганына таң калды. "Өздөрү боенуп, кооз кийинип алышат дагы эркектер кучактап, өпкүсү келсе (зордук-зомбулукту айткан жокмун) эмнеге асылат деп кыйкырып чыгышат. Бул жаратылыш да", — деп жазды депутат өзүнүн Facebook баракчасына.
3. Тойдо "танцага" түшкөн жигиттер. Салтанаттын шаңына кирип алып, бук чыгара бийлеген эки баланын видеосун көргөндөр эки жаатка бөлүнүп калды. Биринчи жак "эркек качан ушинтип бийлечү эле, кызтеке болуп кетишкен го" десе, экинчи тарап "мындай бий үйрөтө турган ийримдер болсо барат элек" деп жатышат.
4. Апасын көрүп кызын алайын десе, апасы Россияда экен. Кыргыз коомундагы миграцияга байланышкан ири көйгөйлөрдү билбеген адам үчүн бул катардагы тамаша. Бирок… Кыскасы, бул пост бир топ адамды ойго салып койду.
5. Чендейтип курсак байлоо, боорго күч келтирүү жана кыйын журт күтүү… Жаңы эле үйлөнгөн Марселдин оюнда бул ар бир кыргыз күйөө баласынын башкы милдети. Айылдык кайын журт шаардык күйөө баланын көзүнө кандай көрүнөт? Бул видеону 15 саатын ичинде 100 миңден ашуу адам көрдү.
6. Футбол футболу менен, бирок тамак өз маалында болушу керек. Интернеттин жарымы Россия курамасынын дарбазачысы Игорь Акинфеевди баатырга айландырып, көкөлөтө мактап жатса, жарымы башка каармандарды таап алышты. Россия менен Испания футболчулары оюн талаасында кыл чайнашып жаткан кезде трибунада ход-догду маймаңдап жеп отурган үч күйөрман жылдызга айланып кетти.
7. Акинфеев эле Акинфеев дейсиңер. Мына Россияга жеңиш алып келген адам!
