Жусупбекова: ординатуралык билим алуу бир жылга узартылды
Ординатуралык билим алуу бир жылга узартылды. Бул тууралуу Нурида Жусупбекова Sputnik Кыргызстан радиосунда маек куруп жатып билдирди.
Анын айтымында, кошулган бир жылдын ичинде студент такшалып даяр адис боло алат.
"Медициналык академияда окуган студенттер алты жыл базалык билим алгандан кийин гана ординатуралык билим ала алышат. Ординатура мурда эки жыл болсо, ал эми азыр окуган бөлүмүнө жараша жылдары узартылды. Бул окууну аяктаган бүтүрүүчү жумушка даяр эместигинен улам чыгууда. Иштеп жүргөн врачтардын баары аларды кайра башынан окутуп, жаңыдан үйрөтүп жатканын айтып нааразы болуп жатат", — деди Жусупбекова.
Ал ар бир врач базалык билимге ээ болуп, жалпы оорулар тууралуу маалыматы болушу керектигин кошумчалады.
