БИШКЕК, 7-июл. — Sputnik. Грек-рим күрөшүнүн балбаны Акжол Махмудов Түркиядагы эл аралык мелдеште чемпион аталды. Беттештин видеосу аталган өлкөнүн Күрөш федерациясынын YouTube каналында жайгаштырылган.
Жаштар арасындагы "Champions-2018" турнири 4-7 июнь күндөрү Стамбулда өттү.
16 Жалган Куран 2018, 16:14
Махмудов 77 килограмм салмакта күчүн сынады. Ал квалификациялык кармашында финляндиялык балбанды 8:0 упай эсебинде жетсе, чейрек финалда азербайжандык спортчуну 5:2 эсебинде утуп, финалда түркиялык балбанды 12:3 эсебинде артта калтырган.
Ал эми чечүүчү кармашта дагы бир түрк балбанын 16:8 эсебинде утуп, чемпион аталды.
Балбан Акжол Махмудов 18 жашта. Быйыл Бишкекте өткөн чоңдор арасындагы Азия чемпионатында алтын байгеге ээ болгон.
