БИШКЕК, 18-июл. — Sputnik. Кыргызстан боюнча 19-июлда түнкүсүн жаан-чачын күтүлбөйт деп билдирди Кыргызгидромет.
Бишкек шаарында түнкүсүн +17…+19, күндүзү +36…+38, ал эми Ош шаарында түнкүсүн +21…+23, күндүзү +36…+38 градус ысык болот.
Ош, Жалал-Абад облустарында түнү термометр +18…+23, күндүзү +34…+39, Баткен дубанында түнү +20…+25, күндүзү +34…+39 градусту көрсөтөт.
Чүйдө түнкүсүн +15…+20, күндүзү +33…+38, Таласта түнкүсүн +11…+16, күндүзү +30…+35 градус ысык болот.
Ал эми тоолуу Нарын аймагында түнү +9…+14, күндүзү +26…+31 градуска чыгат. Синоптиктер өлкө аймагында салкыныраак Ысык-Көл облусу боло тургандыгын айтышты. Туристтик аймакта түнү аба +11…+16, күндүзү +22…+27 градус болот.
