ОШ, 31-июл. – Sputnik. Өзгөн районунун аймагында уюштурулган милициянын көчмө кабылдамасы жашоочулардын арыздарын жеринде кабыл алып жатат. Бул тууралуу облустук милициянын маалымат кызматы билдирди.
Өзгөн районунун аймагында уюштурулган милициянын көчмө кабылдамасы жашоочулардын арыздарын жеринде кабыл алып жатат
Милициянын көчмө кабылдамасынын максаты — жарандардын коопсуздугун камсыздоо жана милицияга болгон ишенимди бекемдөө.
Ага ылайык, 31-июль күнү Өзгөн шаарындагы милициянын көчмө кабылдамасына беш тургун арыз менен кайрылган. Алардын ичинен эки арыз тиешелүү бөлүмдөргө жиберилген.
"Учурда көчмө кабылдама Өзгөн районунан сырткары Кара-Суу, Араван, Ноокат райондорунда да иштеп жатат. Анын курамында милициянын аймактык тескөөчүсү, өспүрүмдөр менен иштешкен инспекциянын кызматкери жана айдоочу бар", — деп айтылат маалыматта.
Милициянын көчмө кабылдамасынын максаты — жарандардын коопсуздугун камсыздоо жана милицияга болгон ишенимди бекемдөө.
