БИШКЕК, 19-авг. — Sputnik. Россия лидери Владимир Путиндин Австрия ТИМ жетекчиси Карин Кнайслдын тоюнда аны менен вальс бийлеп, андан соң немис тилинде тост айткан видеосу чыкты.
Бул туурасында РЕН ТВ сайты маалымат жарыялады.
Путиндин тойго келиши анын Германиянын канцлери Ангела Меркель менен жолугуу үчүн барган сапарына туура келген.
Россия лидерин Австриянын тышкы иштер министри Карин Кнайсль мындан бир нече ай мурда тоюна чакырган.
Тойдо Путин колукту менен вальс бийледи, андан соң коноктор менен отурган салтанатта түгөйлөргө каалоосун немисче айтты.
Путин министр айымга чоң букет гүл тапшырган. Россия лидери менен келген казак ансамблинин номери Австриянын тышкы иштер минстрине жасалган белек болду.
Хор түйгөлөргө бир нече композиция тартуулады. Аны Карин Кнайслдын күйөөсү кубаттап, эмоция менен угуп, коштоп ырдагандыгын байкоого болот.
Австрия өкмөтү Батыштын Москвага карата мамилелеринин фонунда Европ Биримдигинин башка өлкөлөрүнө караганда Россия боюнча пикирлерин активдүү билдирүүдөн карманып келген. Ал эми коалиция түптөлгөндөн тарта Россия менен алаканы түзүү демилгесин бир нече ирет көтөрүп чыккан.
"Скрипаль чыры" боюнча да ЕБ өлкөлөрүнүн ичинен россиялык дипломаттарды аймагынан чыгарбаган жалгыз мамлекет болду.
Кнайсль ошол учурда "кыйын учурда диалог кылып туруш керек" деген пикирин айткан. Ал эми март айында Вена "Скрипаль чырын" жөнгө салуу боюнча Москва менен Лондондун ортосунда ортомчу болууга даяр экендигин билдирген.
