БИШКЕК, 19-авг. — Sputnik. Дүйнөдө токтогон конокторуна өзгөчө кызмат көрсөткөн мейманканалар бар. Бул туурасында PeterGreenberg.com басылмасы жазды.
Пилге минип алып, йога менен Таиланддагы Чианг Рае отелинде машыксаңыз болот.
Нью-Жерсидеги (АКШ) мейманкананын чатырында үстү ачык кинотеатр бар. Каалагандар ачык асман алдында күн сайын ар кыл тасмаларды көрө алат.
Омандагы отелде кардарларына кадимки эле Жеймс Бонд болуп, мейманканага автоунаа менен эмес, парапланда учуп келүүнү сунушташат. Албетте, сизди тажрыйбалуу инструктор жеткирет.
Ал эми Гавайидеги мейманканалардын биринде теннисти жакшы көргөндүн күнү тууйт. Кортторго орнотулган камера коноктун кантип ойногондугун жазып алат. Эгер кардар кааласа, кесипкөй теннисчи кайсы жерден ката кетиргендигин айтып, кеп-кеңешин берет.
