Индонезияда суу алдына түшүп, акуланы минип алган киши камакка алынды. Бул туурасында РИА Новости кабарлаган.
YouTube каналына кишилер кит акуласына жабыла жармашып алып сүзүп жүргөн видео тарады.
Индонезиядагы бул жаныбарлар өзгөчө камкордукка алынган. Алар өтө назик келгендиктен, мыйзам дайверлердин акулага жакын жолошуна тыюу салган. Маалыматта кичинекей эле чоочун нерсе балыктын терисин жабыркатып кетиши мүмкүн экендиги айтылган. Бул жаныбарлар адамга кол салбайт.
Дайверлердин мындай кылыгы жаныбарларды коргоп келген индонезиялык активисттердин кыжырын кайнатып, нааразылык жараткан. Анын үстүнө мындай жорук-жосун бийликтин көз жаздымында калбай, балык жандуу киши темир тордун ары жагына жиберилген. Бул маалыматты журналисттерге Индонезиянын балыкчылык жана деңиз иштери боюнча министри берген.
