БИШКЕК, 31-авг. — Sputnik. Кыргызстандык боксчу Азат Усеналиев Индонезияда өтүп жаткан Азия оюндарында коло байгеге ээ болду. Бул туурасында мелдештин расмий сайтында айтылат.
31 Баш оона 2018, 14:11
Ал рингде 52 килограммда күч сынашып, жалпысынан төрт беттеш өткөргөн.
1/16 финалда лаостук, 1/8 финалда пакистандык, чейрек финалда кытайлык боксчуну утуп, жарым финалда өзбекстандык Жасурбек Латиповго жеңилип калды. Натыйжада коло байгеге ээ болгон.
Ушуну менен кыргызстандыктардын Азия оюндарындагы медалы 20га жетти. Анын экөө — алтын, алтоо — күмүш, он экиси — коло байге.
