Алгачкы жардам берүүнү билбеген киши кырсыкка кабылган адамга тийбегенге каракет кылышы керек. Бул тууралуу Атай Ибраев Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, эрежелерди билбеген киши жаракат алган адамга жардам берем деп, тескеричинче абалын оорлотуп алышы мүмкүн.
"Негизи жол кырсыгына кабылган адамдардын арка жактары жабыркайт. Андыктан аларды ары-бери жылдырып, абалын оорлото берген болбойт. Алгачкы жардам көрсөтүү боюнча атайын окуулардан өтпөгөндөр мындай учурда жардам берүүдө өтө дыкат болуп, өзүнө ишенбесе жакшысы жабырлануучуга тийбей эле коюш керек. Анын ордуна Тез жардам кызматын чакырып, же жардам бере алчу адамдарды таап келсе болот", — деди машыктыруучу.
Адис алгачкы жардам көрсөтүү эрежелерин сегиз гана саатта өздөштүрүүгө болорун кошумчалады.
