БИШКЕК, 25-окт. — Sputnik. Кыргызстандын футбол боюнча курама командасы Эл аралык футбол федерациясынын (FIFA) рейтингинде бир тепкичке жогорулады.
Октябрдын жыйынтыгы FIFA уюмунун сайтына жарыяланды.
Өткөн айда Кыргызстан 91-орунда эле, эми бир тепкичке көтөрүлдү. Ал эми Азия футбол конфедерациясында өлкө 12-орунга чыккан.
Октябрдын эң мыкты командасы Гибралтарга таандык. Ал сегиз баскычка жогорулап 190-орунду ээлеген. Эң начар команда Мозамбиктики болду — тогуз сапка төмөндөп, 122-орунга түшүп калды.
Дүйнөлүк рейтингдин сап башында Бельгия, андан кийин Франция, үчүнчүдө Бразилиянын командасы турат. Кийинки катарлардан Хорватия, Англия, Уругвай, Португалия, Швейцария, Испания жана Дания мамлекеттерин көрүүгө болот.
