БИШКЕК, 26-окт. — Sputnik. Францияда балдарын кола жана таттуу тамактар менен гана баккан киши үч айга эркинин ажыратылды. Бул туурасында Le Figaro сайтында маалымдалган.
"Аракка берилип кеткен киши 3 жана 4 жашар балдарын жалгыз багып келген. Үйүндө керебет, муздаткыч, оюнчук деген болгон эмес. Алардын мындай абалын жергиликтүү социалдык кызматкерлер байкап калып, тиешелүү чечим кабыл алышкан", — деп айтылат маалыматта.
Туура эмес тамактангандыктан улуу баласынын тиштери туура эмес өсүп, жети тишин сууруганга туура келген. Атасы темир тордун артына жөнөтүлгөндөн кийин балдарды башкалардын кароосуна беришкен.
