БИШКЕК, 4-дек. — Sputnik. NASA жер планетасы үчүн кооптуу деп эсептелген Бенну астероидин видеого тартып Twitter баракчасына жарыялады.
Видео OSIRIS-REx космос кемесинин PolyCam камерасына тартылган.
"Астероид Беннуга салам! Биздин космостук кеме сени менен жолугушуу үчүн эки миллиард миль аралыкты басып өттү. Борттогу камера астероиддин айланып жатканын тартып алган. Беннуну иликтөөгө бир жылдай убакыт кетет, андан соң үлгүсү алынып Жерге жеткирилет", — деп видеонун алдына жазылган.
Hello, asteroid Bennu! Our @OSIRISREx spacecraft flew over 2 billion miles to meet you. Here, the spacecraft's camera captures a full rotation of the asteroid. OSIRIS-REx will study Bennu for almost a year & prepare to collect and return a sample to Earth. https://t.co/WG3vVeRoV1 pic.twitter.com/2itcL6qxtC
— NASA (@NASA) 3 декабря 2018 г.
Космостук кеме астероидди беш илимий жабдыктын жардамы менен иликтейт. Үлгүсү 2023-жылдын сентябрь айында Жерге алынып келери белгиленген.
