БИШКЕК, 26-дек. — Sputnik. Жогорку Кеңештеги КСДП фракциясына жаңы депутат болуп Өмүрбек Бакиров келет. Бул тууралуу Борбордук шайлоо комиссиясынан билдиришти.
Ага ылайык, Музаффар Исаков депутаттык ыйгарым укуктарын мөөнөтүнөн мурда тапшыргандыктан тизме боюнча анын ордуна Өмүрбек Бакиров келет. Ага мандат бүгүн Боршайкомдун жыйынында тапшырылды.
Белгилей кетсек, буга чейин Исаков депутаттыктан баш тартуу боюнча БШКга арыз менен кайрылган.
