БИШКЕК, 4-янв. — Sputnik. TC Candler оюн-зоок сайты 2018-жылдын жыйынтыгы менен келишимдүү делген 100 кыз-келиндин рейтингин түздү. Тизме порталдын YouTube каналына жарыяланган.
Аталган рейтинг 1990-жылдан тарта түзүлүп келет. Сулуулар жүздөгөн эксперттердин көз карашы жана соцтармактагы анализдөө менен аныкталган.
Өткөн жылдын эң сулуу айымы болуп француз фотомодели Тилан Блондо табылды.
Экинчи орунда тайвандык ырчы жана бийчи Чжоу Цзыюй турат.
Алдыңкы үчтүктү израилдик модель Яэль Шелбиа жыйынтыктаган.
Актриса, модель жана ырчы Лиза Соберано төртүнчү орунга чыкты. Мурдагы жылы Соберано сулуулардын сап башында болчу.
Ондукта Болливуддун жаңы чыгып келе жаткан жылдызы Банита Сандху, таиланддык ырчы Лалиса Манобан, россиялык Октябрина Максимова, түркиялык актриса Ханде Эрчел жана америкалык фотомодель Адриана Мишель бар.
