БИШКЕК, 22-янв. — Sputnik. Жүрөк хирургиясы жана органдарды трансплантациялоо илим-изилдөө институтунун кызматкерлери Баткен облусунун Исфана шаарында биринчи жолу канды жасалма айлантуу ыкмасы менен жүрөк кемтигине операция жасашты. Бул тууралуу Саламаттык сактоо министрлигинин маалымат кызматы билдирди.
Андан сырткары, илим-изилдөө институтунун кызматкерлери 120 бейтапты кароодон өткөргөн. Алардын 40ы чоң кишилер болсо, 80и — балдар.
Жакынкы арада Жүрөк хирургиясы жана органдарды трансплантациялоо илим-изилдөө институтунун кызматкерлери өлкөнүн башка аймактарында жүрөккө операция жасоону пландап жатат.
