БИШКЕК, 25-янв. — Sputnik. Магнитогорск шаарында кармалган кыргызстандык жаран турак үйдүн жарылышы боюнча изделген эмес. Бул туурасында РИА Новости Россиянын ИИМ расмий өкүлү Ирина Волкко шилтеме берип жазды.
"Айрым ЖМКларда Хуснидин Зайнабидинов былтыр 31-декабрда Магнитогорск шаарындагы турак үйдүн подъездинин урап түшүшү боюнча полиция тарабынан текшерилип жатат деген маалымат чындыкка дал келбейт", — деди Волк.
Анын айтымында, Кыргызстандын жараны Зайнабидиновду 16-январда Магнитогорск шаарынан кармашкан. Ал 2010-жылы Оштогу массалык башаламандыкка катыштыгы бар деп эл аралык издөөгө алынган болчу.
Волк кошумчалагандай, эркек киши камакка алынды, азырынча мекенине кайтаруу маселеси карала элек.
Былтыр 31-декабрда Челябинск облусундагы Магнитогорск шаарында көп кабаттуу үйдүн газы жарылып, 39 адам каза тапкан.
