БИШКЕК, 27-янв. — Sputnik. 28-29-30-январда түнкүсүн жаан-чачын күтүлбөйт. 30-январда күндүз Баткен, Ош, Жалал-Абад, Нарын облустарынын кээ бир райондорунда жаан, кар, тоо этектеринде жана тоолуу райондорго кар түшөт. Бул тууралуу Кыргызгидромет билдирди.
Ал эми 31-январда көпчүлүк аймактарда мезгил-мезгили менен жамгыр жаап, тоо этектеринде жана тоолуу райондорго кар түшөт.
1-февралда мезгил-мезгили менен кар жаап, жолдор тоңуп тайгак болот. Батыштан соккон шамалдын ылдамдыгы секундасына 4-9 метрге чейин жетет.
2-февралда кээ бир райондордо кар жаашы мүмкүн. 3-февралда жаан-чачын күтүлбөйт. Абанын температурасы дээрлик өзгөрүлбөйт.
