БИШКЕК, 15-фев. — Sputnik. Премьер-министр Мухаммедкалый Абылгазиев бир катар министрлер менен ведомство жетекчилерине сөгүш берди. Бул тууралуу өкмөттүн маалымат кызматы билдирди.
Мындай чара өкмөттүн бүгүнкү жыйынынын соңунда кабыл алынып, сөгүш өз ишин так, убагында аткарбагандарга берилди.
Премьер-министрден сөгүш алгандар:
Олег Панкратов — экономика министри;
Гүлмира Кудайбердиева — билим берүү жана илим министри;
Шумкарбек Адилбек уулу — Инвестицияларды илгерилетүү жана коргоо агенттигинин директору;
Бактыбек Секимов — маданият, маалымат жана туризм министрлигинин статс-катчысы;
Надира Жусупбекова — билим берүү жана илим министринин орун басары;
Бактыбек Абдиев — Архитектура, курулуш жана турак жай-коммуналдык чарба мамлекеттик агенттигинин директору;
Космосбек Чолпонбаев — саламаттык сактоо министри;
Жолдошбек Жунушев — Экология жана техникалык коопсуздук боюнча мамлекеттин инспекциянын башчысы;
Болотбек Ибраимжанов — Мамлекеттик миграция кызматынын төрагасы;
Марат Калиев — Милдеттүү медициналык камсыздандыруу фондунун башчысы;
Абдыкалык Рустамов — Курчап турган чөйрөнү коргоо жана токой чарба мамлекеттик агенттигинин директору.
