БИШКЕК, 1-мар. — Sputnik. Бишкекте мурдагы "көмүр падышасы" Нурлан Мотуевдин №11 мектептин алдына мыйзамсыз орнотулган павильону менен тандыры алынды. Бул тууралуу мэриядан кабарлашты.
Бишкекте мурдагы "көмүр падышасы" Нурлан Мотуевдин №11 мектептин алдына мыйзамсыз орнотулган павильону менен тандыры алынды
Объектилер 28-февралда түнкүсүн Москва менен Гоголь көчөлөрүнүн кесилишиндеги мектептин аймагына орнотулган.
Ошол эле күнү мектеп директорунун кайрылуусу менен комиссия түзүлгөн. Натыйжада павильон мыйзамсыз негизде орнотулганы аныкталып, аны алып салуу боюнча чечим чыгарылган.
