БИШКЕК, 9-мар. — Sputnik. Токтогул Сатылганов атындагы Кыргыз улуттук филармониясынын жетекчилиги имаратты оңдоп-түзөп, айрым эмеректерди жаңыртуу үчүн жалпысынан 31,5 миллион сомдук 14 тендер жарыялады. Бул тууралуу мамлекеттик сатып алуулар порталында маалымдалат.
Тийиштүү билдирүү 6-7-мартта жайгаштырылган. Ага ылайык, тендердин тизмеси төмөнкүдөй:
- Оңдоо, курулуш иштери (4 тендер) — 5 миллион 931 миң сом;
- Жүк жана кишилер үчүн лифт жана кондиционер — 11 миллион 694 миң сом;
- Көрүүчүлөр залын жана паркетти жаңылоого 4 миллион 460 миң сом;
- Имараттын чатырын оңдоого 5 миллион 664 миң сом;
- Чоң залдагы люстраны оңдоого 572 миң сом;
- Механикалык жабдууларды оңдоого 616 миң сом;
- Балет үчүн линолеум алууга 1 миллион 100 миң сом;
- Килем алууга 1 миллион 455 миң сом;
- Идиш-аяк алууга 90 миң сом;
- Стул алууга 675 миң сом;
- Жумшак эмерек алууга 241 миң сом.
Быйыл 14-15-июнда Бишкекте Шанхай кызматташтык уюмунун саммити болуп, негизги иш-чара Улуттук филармонияда өтөт.
