БИШКЕК, 18-мар. — Sputnik. Бишкектик милиционер Улан Дүйшөналиев жиу-житсу боюнча АКШда өткөн турнирде күмүш медалга ээ болду. Бул туурасында шаардык милициядан кабарлашты.
Бишкектик милиционер Улан Дүйшөналиев жиу-житсу боюнча АКШда өткөн турнирде күмүш медалга ээ болду
© Фото / пресс-служба ГУВД
Los Angeles BJJ Pro IBJJF Championship турнири 3-мартта өтүп, ага спортчулар дүйнөнүн 50 өлкөсүнөн катышты.
"Жиу-житсу боюнча АКШга Кыргызстандан Бишкек шаардык ИИББдин маалымат башкармалыгынын башкы инспектору Улан Дүйшөналиев кеткен. Ал 94 килограммдык тажрыйбалуу спортчулар менен таймашты", — деп айтышты милициядан.
Дүйшөналиев ИИМде бир нече жылдын бери иштейт, милициянын подполковниги.
Los Angeles BJJ Pro IBJJF Championship турнирин бразилиялык жиу-житсу боюнча эл аралык федерация жыл сайын өткөрүп келет.
