БИШКЕК, 16-апр. — Sputnik. Жалал-Абад облусуна караштуу Ноокен районундагы Тоскоол айылынын Алаш тоосунда жардан кулап кеткен 41 жаштагы киши табылды. Бул тууралуу ӨКМден билдиришти.
Маалыматка караганда, окуя 15-апрель күнү болгон. Кырсык тууралуу куткаруучуларга саат 23:45те кабарланган. Алар издөө иштерин түнкү саат 02.40ка чейин жүргүзүп, бирок андан майнап чыккан эмес.
Жалал-Абад облусуна караштуу Ноокен районундагы Тоскоол айылынын Алаш тоосунда жардан кулап кеткен 41 жаштагы киши табылды
© Фото / пресс-служба МЧС КР
"Бүгүн, 16-апрелде, куткаруучулар эртең мененки саат 07:40та жабырлануучуну таап, саат 10:00дө туугандарына өткөрүп беришти", — деп айтылат маалыматта.
Киши бутун кокустатып алган, абалы канааттандырарлык
© Фото / пресс-служба МЧС КР
Киши бутун кокустатып алган, абалы канааттандырарлык.
